बालिकालाई यौन दुर्व्यवहार गरेको आरोपमा ओखलढुंगाको च्यानमका सुनकोशीका एक पुरुष पक्राउ परेका छन् । आठ वर्षीया बालिकालाई यौन दुर्व्यवहार गरेको आरोपमा प्रहरीले सुनकोशी गाउँपालिका ८ च्यानमका ४० वर्षीय रामकृष्ण कार्कीलाई शुक्रबार उनको घरैबाट पक्राउ गरेको हो ।
आरोपित कार्कीले साउन ४ गते बिहीबार साँझ ७ बजे ति बालिकामाथि यौनदुर्व्यवहार गरेको भन्दै पीडित पक्षले शुक्रबार दिएको उजुरीको आधारमा उनलाई पक्राउ गरिएको जिल्ला प्रहरी कार्यालय ओखलढुंगाका प्रहरी निरीक्षक देवेन्द्र दासले जानकारी दिए ।
घटनाबारे अनुसन्धान प्रक्रिया अघि बढाइएको जिल्ला प्रहरी कार्यालय ओखलढुंगाले जनाएको छ ।
