नेपाली कांग्रेसका युवा नेता तथा ओखलढुंगाका संघिय सांसद रामहरि खतिवडाले जनताका बीचमा गरेका वाचा पुरा गर्दै मोलुङको एउटा विद्यालयको जिर्ण छानो फेर्न जस्तापाता सहयोग गरेका छन् । खतिवडाले मोलुङ २ स्थित गणेश मावि ढुस्केको छानो फेर्न सहयोग गरेका हुन् ।
जस्ता पुरानो भएर कक्षा कोठामा पानी चुहिने अवस्थाको विद्यालयलाई सांसद खतिवडाले ६ लाख रकम बराबरको नयाँ जस्ता सहयोग गरेपछि विद्यालयको छानो फेरिएको स्थानीय प्रकाश दाहालले जानकारी दिए ।
केहीसमय अघि ढुस्के पुगेका सांसद खतिवडाले विद्यालयको छानो फेर्न सहयोग गर्ने प्रतिवद्धता जनाएका थिए । लगत्तै खतिवडाले जस्तापाता पठाएका हुन् ।
छानो फेरिएपछि पठनपाठनमा निकै सहज हुने विद्यालयले जनाएको छ ।
