स्याङजाको भिरकोट नगरपालिकाले आँधिखोलाको नदी कटान रोक्न तटबन्द निर्माणको कामलाई निरन्तरता दिने भएको छ । नगरपालिकाको मध्येभागबाट बग्ने आँधिखोलाले वर्षेनी खेतीयोग्य जमिनमा क्षति गर्ने भएकाले आसपासका खेतीयोग्य फाँट संरक्षण गर्न नगरपालिकाले तटबन्ध निर्माण गर्ने भएको हो ।
भिरकोटले यसपर्ष आँधिखोलामा तटबन्ध बनाउन संघिय सरकारको विशेष अनुदानबाट १ करोड १५ लाख विनियोजन गरेको छ ।
भिरकोट नगरपालिकाको बीचबाट नगरपालिका भित्रै ७ किलो मिटर आँधिखोला बग्छ । नगरको मध्येभागमा बहने आँधिखोला र आसपासको जमिनको सतह करिब बराबर रहेकाले नदी कटानको समस्या बढीहुनेहुँदा वर्षेनी तटबन्ध निर्माणको काम गर्नुपर्ने बाध्यता रहेको नगरप्रमुख गोविन्दकुमार कर्माचार्यले बताए ।
भिरकोट नगरपालिकाले सडक विकास र स्तरोन्नतीसँगै शिक्षा, स्वास्थ्य, कृषि र पर्यटन प्रवद्र्धनलाई प्राथमिकतामा राखेर काम गरिरहेको छ ।
