२०८१, ५ श्रावण शनिबार | Sat Jul 20 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

सुनवल बजार हिलाम्मे (भिडियाे)



सडकमा जमेको हिलोका कारण यतिबेला सुनवल बजार कुरुप बनेको छ । नवलपरासीको सुनवल बजार क्षेत्र आसपासको सडक हिलाम्मे भएको हो ।

हिउँदमा धुलो र वर्षामा हिलोका कारण पूर्वपश्चिम राजमार्ग आसपासका स्थानीय समस्यामा छन् । विगतको तुलनामा यसवर्ष वर्षाको समयमा सडकमा पानी जमेर जलमग्न भएको छ भने कतिपय ठाउँको सडक हिलाम्मे भएका कारण राजमार्गमा सवारी चलाउन र स्थानीयलाई पैदल यात्रा गर्न समेत समस्या छ ।

यसक्षेत्रमा कष्टकर तवरले आवत जावत गर्ने यात्रु र यहाँका स्थानीयले सुनवल नगरपालिकाले समस्या समाधान नगरेको बताउने गरेका छन् ।

हिलो मुक्त अभियान चलाएको सुनवल नगरपालिकाले पनि यसक्षेत्रको हिलाम्मे सडकको समस्या समाधान गर्न सकेको छैन ।
सुनवल नगरपालिकाका नगरप्रमुख विमला अर्यालले भने यस क्षेत्रमा संघिय आयोजना सञ्चालनमा रहेकाले स्थानीय सरकारले यो समस्या समाधान गर्न नसकेको बताइन् । संघिय आयोजना व्यवस्थित नहुँदा समस्या भएको उनको भनाई छ ।

आयोजनासँग बारम्बार यो समस्या समाधानका लागि पहल गरिरहेको नगरप्रमुख अर्यालले अनलाइन सरोकारसँग बताइन् ।

पूर्वपश्चिम राजमार्गमा सडक स्तरोन्नतीको काम भईरहेको छ । आयोजनाले वातावरणीय प्रभाव मुल्याङ्कन नगरी काम गर्दा विकासले विनास र कष्ट थपिदिएको स्थानीयको दुखेसो छ ।

भिडियाेमा हेर्नुहाेस्

प्रकाशित मिति : २०८०, १ भाद्र शुक्रबार ००:००  ५ : ५५ बजे