सिन्धुपाल्चोकको हेलम्बु गाउँपालिकाले प्रविधिमैत्री सेवा विस्तार गरेको छ । समयक्रमसँगै सुशासन र प्रविधिमैत्री पालिकाको नीति लिएको हेलम्बुले व्यक्तिगत घटना दर्तासहितका सरकारी सेवा अनलाइनबाटै दिन सुरु गरेको हो ।
हेलम्बुका नागरिकले जन्म, मृत्यु, बसाइँसराइ, विवाह र सम्बन्ध विच्छेद जस्ता घटना दर्ता घरबाटै गर्न सक्ने गाउँपालिका अध्यक्ष निमा ग्याल्जेन ह्योल्मोले बताए । पालिकाका अन्य सेवालाई पनि प्रविधिमैत्री बनाइने उनको भनाई छ ।
हेलम्बुले अनलाइन मार्फत व्यक्तिगत घटना गर्दा गर्ने सफ्टवेयरको विकास गरेको छ । घरबाटै घटना गर्दा गरेपछि टोकन नम्बर प्राप्त हुने, उल्लेखित विवरणका आधारमा सम्बन्धित वडामा घटना दर्ता हुने र त्यसपछि सेवाग्राहीले प्रमाणपत्र प्राप्त गर्न सक्ने बनाइएको छ ।
घटना घटेको ३५ दिनभित्र घटना दर्ता गरे जरिवाना नलाग्ने व्यवस्था छ ।
