स्याङ्जाको अर्जुनचौपारीमा निर्मित हेलिप्याडको सफल परीक्षण गरिएको छ । नेपाल आर्मी र अर्जुनचौपारी गाउँपालिकाको सहकार्यमा निर्माण गरिएको हेलिप्याडमा नेपाल आर्मीको इक्विरल हेलिकोप्टर पहिलोपटक अवतरण गरिएको हो ।
पुतलीबजार हुँदै आएको हेलिकोप्टरले गाउँपालिकाका सबै क्षेत्रमा परीक्षण गर्दै चार पटक अवतरण गरेको थियो ।
जोखिमको बेला उद्धारमा टेवा पुर्याउने र स्थानीयको स्वास्थ्यमा जटिल समस्या आइपरे तत्काल अस्पताल लैजाने अवस्था सिर्जना गर्न हेलिप्याड निर्माण गरिएको छ ।
गाउँपालिका अध्यक्ष प्रकाश तिवारीले हेलिप्याड निर्माण सफल भएको र परीक्षणसमेत भएको बताउँदै जोखिमका बेला हेलिप्याडको सदुपयोग हुने बताउनुभयो ।
हेलिप्याडमा हेलिकोप्टर सफल परीक्षण गरेका नेपाली सेनाका पाइलटसहितका अतिथिलाई स्थानीयले भव्य स्वागत गरेका थिए ।
