काठमाडौंको गोकर्णेश्वर नगरपालिकाका प्रमुख दिपक रिसालले मोटरसाइकल मोडिफाई गरे कारबाही गर्ने चेतावनी दिएका छन् । साइलेन्सर मोडिफाई गरी चलाउँदा वातावरणीय एवं ध्वनी प्रदुषण भएकाले मोडिफाई नगर्न, गरेको भए सुधार गर्न आग्रह गर्दै अटेर गरे कारबाही गर्ने चेतावनी दिएका हुन् ।
मेयर रिसालले गोकर्णेश्वर नगरक्षेत्रमा सञ्चालनमा रहेका वर्कशपहरुलाई मोटरसाइकल मोडिफाई नगर्न, सडकमा पानी आउने गरी सवारी नधुन र सडकमा मोबिल पोखेर मर्मत कार्य नगर्न समेत सचेत गराएका छन् ।
