कोरोना संक्रमणबाट थप एक जनाको मृत्यु

काठमाडौं । नेपालमा कोरोना संक्रमणबाट थप एक जनाको मृत्यु भएको छ । बुधबार पर्साको बीरगन्जस्थित कोभिड अस्पतालमा उपचाररत एक ६८ वर्षीय कोरोना संक्रमितको मृत्यु भएको हो । यौ सँगै नेपालमा कोरोना संक्रमणबाट मृत्यु हुनेको संख्या ५० पुगेको छ ।

बुधबार अस्थायी कोभिड बिशेष अस्पताल गण्डकमा उपचार गराइरहेका बीरगञ्ज महानगरपालिका राधेमाई टोल निवासी ६८ वर्षीय कोरोना संक्रमितको मृत्यु भएको नारायणी अस्पतालका मेडिकल सुपरिटेन्डेन्ट डाक्टर मदन कुमार उपाध्यायले जानकारी दिए । मुटुमा समेत समस्या रहेका ती संक्रमितको बितेको ६ दिनदेखि गण्डक अस्पतालको आइसोलेसन वार्डमा उपचार हुँदै आएको उनले बताए ।

कोरोना संक्रमणका कारण ज्यान गुमाएका बृद्धको शवलाई अहिले अस्पतालमै राखिएको छ । पर्सामा हालसम्म एकजना भारतीय नागरिकसहित ६ जना संक्रमितको मृत्यु भइसकेको छ ।