२०८१, १ असार शुक्रबार | Sat Jun 15 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

गोकर्णेश्वरमा स्वास्थ्य बीमा कार्यक्रम प्रभावकारीः पैसा नहुनेको पनि उपचार हुने



काठमाडौंको गोकर्णेश्वर नगरपालिकामा स्वास्थ्य बीमा कार्यक्रम प्रभावकारी बनेको छ । सबै नागरिकलाई आधारभूत स्वास्थ्य उपचारको पहुँचमा ल्याउन सरकारका तर्फबाट वार्षिक १ लाख सम्मको उपचार खर्च व्यहोर्ने स्वास्थ्य बीमा कार्यक्रम स्थानीय सरकारले आफ्नो नीति कार्यक्रम अनुसार नै कार्यान्वयनमा ल्याएपछि गोकर्णेश्वरमा प्रभावकारी बनेको हो ।

चालु आर्थिक वर्षको पहिलो ४ महिनामा गोकर्णेश्वरका १३ हजार ५ सय २९ जनाले स्वास्थ्य बीमा कार्यक्रमबाट ८५ लाख ४६ हजार ३ सय ७० रुपैंयाको उपचार सेवा लिएका छन् ।

आर्थिक वर्ष २०७८।०७९ देखि २०७९।०८० सम्म ३२ हजार ३ सय ७४ जनाले १ करोड ६२ लाख उनानब्बे हजार २ सय ९२ रुपैंया बराबरको सेवा लिएका थिए ।

नागरिकको स्वास्थ्य उपचार सेवालाई उच्च प्राथमिकतामा राखेर काम गर्दै आएको गोकर्णेश्वर नगरपालिकाले नगरभित्रका विभिन्न अस्पतालसँग सम्झौता गरेर नगरबासीलाई विशेष छुटमा सेवा लिने व्यवस्था समेत मिलाएको छ । नगरअस्पताल सञ्चालन गरेर  विशेषज्ञद्धारा दैनिक करिब ६ सय जनासम्मलाई सेवा दिइएको, स्वास्थ्य बीमा मार्फत उपचार हुने व्यवस्था मिलाइएको र नगरक्षेत्रका अस्पतलासँग सम्झौता नै गरेर विशेष छुट मिलाएकाले गोकर्णेश्वरबासीलाई १ रुपैंया पैसा नहुँदा पनि सफल उपचार हुने व्यवस्था मिलाएको नगरप्रमुख दिपक रिसालको भनाई छ । खर्च अभावमा कोही रोग पालेर बस्न वा  उपचार अभावमा कसैले अकालमा मृत्युवरण गर्न नपर्ने मेयर रिसालले अनलाइन सरोकारसँग बताए ।

गोकर्णेश्वर नगरपालिकाले स्वास्थ्यका क्षेत्रमा रचनात्मक काम गर्दै आएको छ ।

प्रकाशित मिति : २०८०, १३ मंसिर बुधबार ००:००  ३ : ५४ बजे