सिन्धुलीको मरिण गाउँपालिका स्थानीय तह वित्तीय सुशासन जोखिम मूल्याङ्कनमा देशकै उत्कृष्ट पालिका बनेको छ । आर्थिक वर्ष २०७९/०८० को स्थानीय तह वित्तीय सुशासन जोखिम मूल्याङ्कन (FRA) मा ९७.५० अंक प्राप्त गरि मरिण देशैभरिमा पहिलो बनेको हो ।
त्यस्तै स्थानीय तह संस्थागत क्षमता स्वमूल्याङ्कन पनि मरिण बागमतीकै पहिलो पालिका बनेको छ । स्थानीय तह संस्थागत क्षमता स्वमूल्याङ्कन(LISA) मा ९४.७५ अंक प्राप्त गरि बागमती प्रदेश भरिमा मरिण गाउँपालिका सिन्धुली पहिलो हुन सफल भएको प्रमुख प्रशासकीय अधिकृत ओमबहादुर दर्जीले जानकारी दिए । यसलाई आगामी दिनमा निरन्तरता तथा बढोत्तरी गरिने उनको भनाइ छ ।
मरिणलाई हरेक क्षेत्रमा देशकै उत्कृष्ट र पहिलो बनाउने लक्ष्य अनुरुप काम भईरहेको गाउँपालिका अध्यक्ष विमर्श मुक्तानले बताए । आगामी दिनमा थप रचनात्मक काम गर्न उर्जा मिलेको अध्यक्ष मुक्तानको भनाइ छ ।
