बाजुराको जिल्ला स्तरिय राष्ट्रपति रनिङ शिल्ड प्रतियोगिताको उपाधि बुढिनन्दा नगरपालिकाले जितेको छ । जिल्लाका अन्य ८ पालिकालाई पराजित गर्दै बुढीनन्दा नगरपालिकाले १४ औं राष्ट्रपति रनिङ शिल्ड प्रतियोगिताको उपाधि जितेको हो ।
माघ १५ गतेदेखि बुढिनन्दा नगरपालिकाको कोल्टी स्थित जनप्रकाश माविमा सञ्चालन भएको प्रतियोगिता आज सम्पन्न भएको हो । उक्त १४ औं जिल्ला स्तरिय राष्ट्रपति रनिङ शिल्डमा एथेलेटिक्स, कबड्डी, भलिवल र मार्सलआर्ट लगायतका अलग अलग समूहमा १ हजार २९ जना खेलाडीहरुले प्रतिस्पर्धा गरेका थिए ।
प्रतियोगितामा नगरपालिकाले १८ स्वर्ण र २१ रजतसहित प्रथमा भएको छ । त्यस्तै १८ स्वर्ण, १४ रजत र ६ कास्य सहित बडीमालिका नगरपालिका द्धितीय भएको छ भने ८ स्वर्ण १४ रजत र ४ कास्यसहित खप्तड छेडेदह गाउँपालिका तृतीय भएको छ ।
त्यसैगरि प्रतियोगितामा बुढीगंगा नगरपालिकाले ७ स्वणर्, १ रजत र ३ कास्य, त्रिवेणी नगरपालिकाले २ स्वणर्, ८ रजत र ६ कास्य, स्वामिकार्तिक खापर गाउँपालिकाले ६ स्वणर्, २ रजत र ४ कास्य हासिल गरेको छ ।
त्यस्तै गौमुल गाउँपालिकाले ४ स्वर्ण र ३ रजत, जगन्नाथ गाउँपालिकाले २ स्वर्णर, २ रजत र ४ कास्य र हिमाली गाउँपालिकाले १ कास्य हासिल प्राप्त गरेको छ ।
करिब ७ दिन सम्म सञ्चालन भएको १४ औं जिल्ला स्तरिय राष्ट्रपति रनिङ शिल्ड प्रतियोगिता शान्त वातावरणमा समापन भएको खेलकुद समितिले जनाएको छ । २०८१ मा हुने १५ औँ राष्ट्रपति रनिङ शिल्ड बुढिगंगा नगरपालिकामा हुने छ ।
