गाउँपालिका महासंघ बागमतीका अध्यक्ष कर्णबहादुर थापामगरको गाउँपालिका विकासमा अगाडी छ । गापा महासंघका प्रदेश अध्यषको पालिका सिन्धुलीको तीनपाटन गाउँपालिका भौतिक पूर्वाधार, आर्थिक तथा सामाजिक र मानव विकासका दृष्टिकोणले पनि अगाडी देखिएको हो ।
तीनपाटन गाउँपालिका भैगोलिक हिसाबले निकै विकट भएपनि जनप्रतिनिधिको अगुवाइमा भएका विकासका कामले छोटो समयमै दुर्गम गाउँ सुगम बनेको छ । कतिपय वडामा एउटै वडा कार्यालयको सेवा सम्पर्क कार्यालय राखेर २ ठाउँबाट दिनुपर्ने अवस्था छ । वडाभित्रै एकठाउँबाट अर्कोठाउँ पुग्न घण्टै लाग्ने अवस्था छ । यहाँ विकास गर्न अनेकौं चुनौती छन् । धेरै समस्या र थोरै सम्भावनाका बीच जनप्रतिनिधिको नेतृत्वमा भएका कामले तीनपाटन संघियतापछि छोटो समयमै समृद्धिको यात्रामा अघि बढेको छ ।
२०७४ मा निर्वाचित भएर जनपक्षीय काम गरेका गाउँपालिका अध्यक्ष थापामगर २०७९ को निर्वाचनबाट पनि अध्यक्षमा चुनिएका छन् । लामो समय सामाजिक राजनीतिक क्षेत्रमा सकृय उनी गाउँपालिका अध्यक्ष भएपछि विकासको मुल फुटाएर काम गरिरहेका छन् ।
भिडियोमा हेर्नुहोस् तीनपाटनको विकास :
