बागलुङको बडिगाडमा हाइड्रोजन ग्याँस उत्पादन गरिएको छ । बडिगाड गाउँपालिका वडा नम्बर २ खर्वाङमा रहेको गिन्दिखोला लघुजलविद्युत आयोजनामा खेर गइरहेको विद्युत बाट हाइड्रोजन ग्याँस उत्पादन गरिएको हो ।
गाउँपालिकाको पहल र विभिन्न दातृ निकायको प्रयासमा १ वर्ष लगाएर गाउँमै हाइड्रोजन ग्याँस उत्पादन गरिएको गाउँपालिका अध्यक्ष गण्डकी थापाले बताइन् । बडिगाड र आसपासका क्षेत्रका स्थानीयलाई हाइड्रोजन ग्याँस वितरण गरिने अध्यक्ष थापाको भनाई छ । गाउँकै खोलामा उत्पादन भएको ग्याँस स्थानीयले सुलभ दरमा सहजरुपमा प्रयोग गर्न पाउने छन् ।
नेपालमै नौलो विकासका रुपमा हेरिएको यो परियोजनाको सफल परीक्षण गरिएको छ । गाउँमै उत्पादित ग्याँसबाट खाना पकाउने प्रविधिको आज एक कार्यक्रमका बीच प्रदर्शन गरिएको छ ।
प्राविधिकद्धारा सफल परीक्षण र यसको उपयोगीता बारे सार्वजनिक प्रर्दशन भएपछि बडिगाडमा उत्पादन भएको ग्याँस अब योजनावद्ध रुपमा नागरिकका घरघरमा वितरण हुनेछ ।
