नेपाल तरुण दलले सरकार विरुद्ध मशाल जुलुश निकाल्ने तयारी गरेको छ । सदन देखि सडकसम्म सरकार विरुद्ध प्रदर्शन गर्ने निर्णय गरेको नेपाली कांग्रेसको भातृ संस्था तरुण दलले आज साँझ राजधानीमा मशाल जुलुस निकाल्ने भएको हो ।
एमाले अध्यक्ष केपी शर्मा ओलीसँग जोडिएको गिरीबन्धु ‘टी’ स्टेट, गृहमन्त्री रवि लामिछानेसँग जोडिएको सहकारी ठगी र भ्रष्ट्राचारलाई संरक्षण गरेको भन्दै प्रधानमन्त्रीको समेत विरुद्धमा तरुण दलले बृहत मशाल जुलुस निकाल्ने तरुणदलका केन्द्रीय सदस्य प्रेम शाही ठकुरीले अनलाइन सरोकारलाई जानकारी दिए । सरकारको अलोकतान्त्रिक, निरङ्कुश चरित्र र सहकारी ठगी विरुद्ध निरन्तर आन्दोलनका कार्यक्रमहरु हुने उनको भनाई छ ।
सरकार विरुद्धको जुलुश पशुपती बहुमुखी क्याम्पस चावहिल प्राङगनमा अहिले केहीबेरमा सुरु हुने नेपाल तरुण दलले जनाएको छ ।
तरुण दलका केन्द्रीय अध्यक्ष विद्धान गुरुङलगायतका शिर्ष नेताहरु जुलुशमा सहभागी हुनेछन् ।
