काठमाडौं । संसद सचिवालयका प्रवक्ता रोजनाथ पाण्डेमा कोरोना संक्रमण पुष्टि भएको छ । संसद सचिवालयका अनुसार लेखा समितिका सचिवसमेत रहेका पाण्डे अर्का संक्रमित सांसद प्रदीप यादवसँगै वनको अनुगमनका लागि गएका थिए ।
यादवलाई कोरोना पोजेटिभ देखिएपछि उक्त टोलीमा रहेका सबै सेल्फ आइसोलेसनमा बसेका छन् । टोलीमा रहेका अन्य सांसदहरुको पनि परीक्षण भएको थियो । तर, प्रवक्ता पाण्डेको मात्र कोरोना पोजेटिभ देखिएको हो सचिवालयले जनाएको छ ।
