२०८१, २९ असार शुक्रबार | Fri Jul 12 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

बाँदर आतंक रोक्न वनमा फलफूलजन्य बिरुवा रोप्दै धनकुटाको महालक्ष्मीका किसान



बाँदरको आंतक रोक्न धनकुटाको महालक्ष्मी नगरपालिका–७ जितपुरका किसानहरूले जंगलमा फलफूल रोप्न थालेका छन्। बर्सेनि बाँदरले बाली नष्ट गर्न थालेपछि किसानहरूले वनजंगलमा फलफूलजन्य बिरुवा रोप्न सुरु गरेका हुन्।

धनकुटा जितपुर मात्र होइन, जिल्लाका अधिकांश किसानहरू बाँदरको आंतकबाट पीडित बन्दै आएका छन्। बर्सेनि किसानले खेतबारीमा लगाएको अन्नबाली बाँदरले नष्ट गर्न थालेपछि जितपुरका किसानहरूले शर्मादेवी सामुदायिक वनमा फलफूलजन्य बिरुवाहरू रोप्न सुरु गरेका हुन्।

वनजंगलमा फलफूलजन्य बोटविरुवा भएपछि बारीसम्म बाँदर नआइपुग्ने भएकाले विभिन्न प्रजातिका फलफूलजन्य करिब २ हजार बिरुवा रोपिएको सब-डिभिजन वन कार्यालय जितपुरकी फरेस्टर आयुष्मा गहतराजले जानकारी दिइन्।

शर्मादेवी सामुदायिक वन उपभोक्ता समूहका सदस्यहरूको सहभागितामा वनमा अमला, बडहर, जामुन, कास्मिरी जामुन, अम्बक, चिउरीलगायतका बिरुवा रोपिएको छ। उक्त सामुदायिक वनमा अहिले उत्तिस, चिलाउने, मौवा, मलेदोलगायतका बोटबिरुवा मात्रै छन्। वनमा फलफूलका बिरुवा मासिएपछि बाँदर खेतबारीमा पस्ने गरेका छन्।

प्रकाशित मिति : २०८१, ५ असार मंगलबार ००:००  ९ : ४४ बजे