बागलुङको तमानखोला गाउँपालिकाले नागरिकका लागि घरघरमा स्वच्छ पानीको सुनिश्चितता गराएको छ । ६ वडामा २७ वटा बस्ति रहेको तमानखोलाका टाढा रहेका घरमा एक घर एक धारा र एकिकृत बस्तिमा सामुहिक प्रयोगको लागि व्यवस्थित धारा निर्माण गरेर नागरिकलाई स्वच्छ पानीको सुनिश्चितता गराएको हो ।
विगतमा कुवा पँधेराको पानी बोकेर खानुपर्ने अवस्था सुधार गर्दै घरघरमा धारा पुर्याइएको छ । तमानखोलामा एकघरएक धाराको अभियानले पूर्णता पाएसँगै नागरिकले स्वच्छ पानी पिउन पाएको गाउँपालिका अध्यक्ष जोकलाल बुढामगरले बताए । केही ठाउँमा थप खानेपानी आयोजना मर्मत र विस्तारको काम भईरहेको छ ।
स्थानीय सरकारको सकृयतामा खानेपानी आयोजना निर्माण भएर सहज रुपमा स्वच्छ पानी पिउन पाएपछि स्थानीय खुसी भएका छन् ।
तमानोलामा विगतमा खानेपानीको निकै समस्या थियो ।
