ओखलढुंगाको पहिरे खोलामा अस्थायी बेलिब्रीज बनाउन सांसद रामहरि खतिवडाले पहल गरेका छन् । पहिरेको बाढीले सडक बगाएपछि सदरमुकाबाट जिल्लाका ५ वटा पालिका जोड्ने रामपुर–ओखलढुंगा सडक अवरुद्ध भएपछि सांसद खतिवडाले अस्थायी बेलिब्रीज राख्न पहल गरेका हुन् ।
संसदको राज्य व्यवस्था तथा सुशासन समितिका सभापति समेत रहेका खतिवडाले भौतिक पूर्वाधार तथा यातायात मन्त्री देवेन्द्र दाहाल समक्ष अस्थायी बेलिब्रीजको खोजि गरेर ओखलढुंगा पठाइदिन आग्रह गरेका छन् । सभापति खतिवडाको आग्रह अनुसार मन्त्रालयले केही समयका लागि यातायात व्यवस्था विभाग मार्फत बेलिब्रीज पठाइदिने भएको छ ।
शुक्रबार मन्त्री दाहाल र सभापति खतिवडाको भेटमा प्रदेश सरकारले ढुवानी र जडानको काम गर्नेगरी विभागले बेलिब्रीजको व्यवस्था गरिदिने विषयमा सहमति भएको छ ।
तत्काल प्रकृया अघि बढाएर १ महिना भित्र पहिरेमा बेलिब्रीज जडान गरिने र ठेक्का लागेर पुल बनिसकेपछि बेलिब्रीज निकालेर फिर्ता गरिने खतिवडाले बताए ।
केहीदिन यता पहिरे खोलाले सडक बगाउँदा आवतजावत ठप्प छ ।
पहिरे खोलाे ओखलढुंगाका राजनीतिक दलको चुनावी एजेन्डा बन्छ तर पुल बन्दैन । २०६४ यताका हरेक चुनावमा उम्मेदवारले पहिरेको पुललाई चुनावी मसला बनाए । तर निर्वाचित भएपछि पुल बनाएनन् ।
ओखलढुंगाबासी पहिरेको पिरलोमा छन् ।
कसरी बन्दैछ पहिरेमा बेलिब्रिज ? यसाे भन्छन् नेता भिडियाेमा हेर्नुहाेस्
