प्युठानको स्वर्गद्धारी नगरपालिकाले रोजगार रणनीति बनाउने भएको छ । बेरोजगारी समस्या समाधान र गरिबी उन्मूलन गर्दै नागरिकलाई स्वरोजगार र आत्मनिर्भर बनाउन नगरपालिकाले स्थानीय रोजगार रणनीति बनाउने भएको हो ।
बेरोजगार युवालाई न्यूनतम रोजगारी प्रदान गर्न, उत्पादनशील क्षेत्रमा युवालाई परिचालन गर्न, सीप मार्फत स्वरोजगारमुलक कार्यक्रम ल्याउन र स्थानीय स्तरमै पेशा व्यवसाय मार्फत नागरिकको आयस्रोत बढाउने र जिविकोपार्जनमा टेवा पुग्ने गरी रोजगार रणनिति तयार गरिने नगरप्रमुख टेकप्रसाद भण्डारीले बताए । नगरपालिकाले अनुत्पादक क्षेत्रको लगानी घटाएर उत्पादन मुलक कार्यक्रममा लगानी बढाइरहेको उनको भनाई छ ।
रोजगार नीतिमा कृषिको आधुनिकिकरण, व्यवसायिककरण र स्थानीय अन्य सम्भावनाको खोजिको विषय समेटिने छ ।
चालु आर्थिक वर्षको नीति तथा कार्यक्रमको १८ नम्बरमा रोजगार रणनिति बनाउने र आगामी वर्षदेखि लागू गरिने उल्लेख छ ।
स्थानीय तहले रोजगार रणनीति बनाउँदा स्थानीय अवसरको पहिचान गर्ने, माग र आवश्यकताका आधारमा श्रम बजारको नीति बमोजिम कार्यक्रम तथा बजेट निर्माण र कार्यान्वयन गर्ने, रोजगारी सिर्जना, उद्यमशिलता प्रवद्र्धन, स्वरोजगारी, एकिकृत श्रम र रोजगारमूलक सेवा प्रवाह जस्ता विषय समेट्नुपर्ने प्रावधान छ ।
