पत्रकार नबिन धमलाले ‘ग्यालेक्सी एक्सिलेन्सी सकृय युवा पत्रकारिता अवार्ड’ पाएका छन् । १ दशक भन्दा लामो समय देखि पत्रकारितामा सकृय युवा पत्रकार धमलालाई ‘ग्यालेक्सी एक्सिलेन्सी अवार्ड’ हस्तान्तरण कार्यक्रममा कृषि तथा पशुपन्छी विकास मन्त्री रामनाथ अधिकारीले अवार्ड हस्तान्तरणसहित सम्मान गरेका हुन् ।
विभिन्न संचारमाध्यममा आफ्नो अब्बल क्षमता प्रस्तुत गर्दै बिगत ६ बर्ष देखि प्राईम टाईम्स टेलिभिजनबाट हरेक बिहिबार साँझ ६ः३० बजे प्रसारण हुँदैआएको लोकप्रिय कार्यक्रम स्थानिय जनसरोकार मार्फत गाउँपालिका अध्यक्ष, मेयर, मन्त्री र मुख्य मन्त्रीहरुलाई संघियताको अभ्यास र यसको प्रभावकारीताका विषयमा नागरिकहरुको आवाजको प्रतिनिधित्व गर्दै दरो र खरो प्रश्न राख्ने उर्जाशिल युवा पत्रकार धमलालाई यस वर्षको युवा पत्रकारिता पुरस्कार प्रदान गरिएको आयोजक निकिला मिडिया नेटवर्क तथा भवानी इन्टरटेनमेन्टले जनाएको छ ।
पत्रकार धमला राष्ट्रिय डिजिटल मिडिया अनलाइन सरोकारका सम्पादक हुन् ।
