ओखलढुंगामा आत्महत्या दुरुत्साहन आरोपमा १ युवा पक्राउ परेका छन् । जिल्लाकै एक युवतीलाई मानसिक यातना दिएर आत्महत्या गर्न बाध्य पारेको आरोपमा जिल्लाको सुनकोशी गाउँपालिका–१ बलखुका २२ वर्षिय मिजन गिरीलाई पक्राउ गरेको हो । गिरी कालिका मावि सिस्नेरीका प्राविधिक धार तर्फका शिक्षक हुन् ।
आत्महत्या गरेको भनिएकी युवतीले गिरीले आफुलाई सम्बन्धमा राखेको, पछि विवाह गर्न नमानेको र मानसिक याताना दिएर बाच्न नसक्ने बनाएको भन्दै सुसाइट नोट लेखेर आत्महत्या गरेको र विगतमा उनिहरु निकट रहेको तथ्यसहितको उजुरी परेपछि पक्राउ गरेर अनुसन्धान थालिएको जिल्ला प्रहरी प्रमुख खड्काले जानकारी दिए ।
गत साउन २९ गते पक्राउ परेका गिरीलाई अदालतबाट म्याद थप गरि हिरासतमा राखेर प्रहरीले अनुसन्धान गरिरहेको छ ।
