हुम्लाको सर्केगाड गाउँपालिका उपाध्यक्ष चन्द्र सिंह कार्कीको मृत्यु भएको छ । सोमबार सवारी दुर्घटनामा परेका उनको उपचारको क्रममा मंगलबार बिहान २ बजे नेपालगञ्जमा मृत्यु भएको हो ।
उपाध्यक्ष सवार कर्णाली प्रदेश–२–००१ ख १०११ नम्बरको हायस माइक्रो सुर्खेतबाट नेपालगञ्ज जाँदै गर्दा भेरीगंगा नगरपालिका वडा नम्बर ५ मा दुर्घटनामा परेको थियो । दुर्घटनामा उनीसहित १४ जना घाइते भएका थिए। उनीहरूको अवस्था सामान्य रहेको सुर्खेतका प्रहरी प्रमुख एसपी रुपेश खड्काले जानकारी दिए ।
मृतक कार्की नेकपा (माओवादी केन्द्र) बाट उम्मेदवार भई उपाध्यक्ष निर्वाचित भएका थिए । उनी कर्णाली प्रदेश सभा सदस्य जुम्कित लामाका श्रीमान हुन् ।
