ओखलढुंगाको चम्पादेवी मन्दिर पहिरोले बगाएको छ । कोशी प्रदेशकै चर्चित ओखलढुंगाको चम्पादेवी गाउँपालिकामा अवस्थित चम्पादेवी ककनी मन्दिर लगातारको वर्षासँगै आएको पहिरोले बगाएको हो ।
मन्दिर भन्दा माथीबाट आएको पहिरोले पूर्ण रुपमा चम्पादेवीको मन्दिर बगाएको चम्पादेवी गाउँपालिकाका अध्यक्ष नवराज केसीले बताए । केही साता अघिको पहिरोले सामान्य क्षती गरेको भए पनि बुधबार राती आएको पहिरोले मन्दिर पूर्ण रुपमा बगाएको अध्यक्ष केसीको भनाई छ ।
पुरातात्विक महत्व बोकेको र यस क्षेत्रकै प्रसिद्ध धार्मिक स्थल भएकाले यसको पुन निर्माण गरिने अध्यक्ष केसीले बताए । गाउँपालिकाले मात्र पुनः निर्माण गर्न असम्भव भएकाले प्रदेश र संघ सरकार संग समन्वय गरिने अध्यक्ष केसीले जानकारी दिए ।
वर्षको ठुली एकादशीमा यहाँ मेला लाग्छ । दर्शनार्थीहरुले शक्ती पिठका रुपमा यहाँ पुजा आजा गर्ने गर्दछन् ।
जिल्ला प्रहरी कार्यालय ओखलढुंगाका अनुसार पहिरोले मन्दिर बगाउँदा करिब १ करोड बराबरको क्षति भएको छ ।
