काठमाडौं सटर व्यवसायी संघमा नयाँ नेतृत्व चयन भएको छ । संघको १७ औं बार्षिक साधारण सभा तथा ८ औं अधिवेशनले मरिचमान घलानको अध्यक्षतामा नयाँ कार्यसमिति सर्वसम्मत चयन गरेको हो ।
निवर्तमान अध्यक्ष घलान अध्यक्षमा पुनः दोहोरिँदा अन्य पदहरुमा भने नयाँ व्यवसायीले जिम्मेवारी पाएका छन् ।
संघको प्रथम उपाध्यक्ष सुर्यप्रसाद आचार्य, द्वितीय उपाध्यक्षमा सिता थापा, महासचिव रेगेन्द्र बुढाथोकी, सचिवमा सन्तोषकुमार बस्नेत, कोषअध्यक्ष टेकनारायण दाहाल, सदस्यहरुमा गोबिन्द बराल, दिलकुमारी थापा (बोगटी), टेकबहादुर ओली, माधव ढुंगेल, रामप्रसाद ढकाल, सरिता ढुङ्गाना, इन्दिरा लामिछाने निर्विरोध निर्वाचित भएका छन् ।
बागमती प्रदेशका सामाजिक विकास मन्त्री हरिप्रभा खड्गीको प्रमुख आतिथ्यतामा भएको अधिवेशनमा काठमाडौं सटर व्यवसायी संघको विगत कामको समिक्षा गर्दै नयाँ नेतृत्वसँगै नयाँ योजना निर्माणका विषयमा साक्षात्कार गरिएको नवनिर्वाचित सचिव सन्तोषकुमार बस्नेतले जानकारी दिए । सचिव बस्नेतका अनुसार व्यवसाय प्रवद्र्धन र व्यवसायीको हित देखि सामाजिक सेवामा समेत संघले काम गर्दैै आएको छ ।
