संसदमा पेश भएको ६ महिनापछि संघीय निजामती सेवा विधेयकमाथि सैद्धान्तिक छलफल सुरू भएको छ । प्रतिनिधिसभाको राज्य व्यवस्था तथा सुशासन समितिमा बिहीबारदेखि विधेयकमा छलफल सुरू भएको हो ।
बहुप्रतिक्षित निजामती विधेयक २०८० फागुन २१ गते संघीय संसदमा दर्ता भएको थियो ।
समिति सभापति रामहरी खतिवडाले आज विधेयकमाथि सैद्धान्तिक छलफल हुने जानकारी गराए ।
विधेयकमाथिको सैद्धान्तिक छलफलको पहिलो दिन संघीय मामिला तथा सामान्य प्रशासनमन्त्री राजकुमार गुप्ता, मुख्यसचिव एकनारायण अर्याललगायत आमन्त्रितरूपमा उपस्थित छन् ।
सैद्धान्तिक छलफल सकेर संशोधनकर्ता सांसदहरूसँग छलफल हुनेछ ।
