![](https://onlinesarokar.com/wp-content/uploads/2020/08/corona-nepal.jpeg)
काठमाडौं । सिन्धुलीमा आइतबार एकैपटक ७ जना कोरोना संक्रमित थपिएका छन् । एकैपटक सबैभन्दा धेरैमा संक्रमण देखिएको यो पहिलोपटक हो ।
साउन २१ गते स्वाब संकलन गरेर प्रादेशिक अस्पताल हेटौंडा पठाइएका २२ जनामध्ये ७ जनाको कोरोना रिपोर्ट पोजिटिभ देखिएको जिल्ला स्वास्थ्य कार्यालयले जनाएको छ । सिन्धुलीमा अहिलेसम्म ३४ जनामा कोरोना संक्रमण देखिएको छ ।
पठाइएका सबै स्वाबमध्य ३३ प्रतिशतको रिपोर्ट पोजिटिभ देखिएको स्वास्थ्य क्षेत्रका पदाधिकारीले बताए । यो नतिजाले जिल्लामा कोरोनाको भयावह स्थिति अनुमान गरिएको उनले बताए ।
हाल सिन्धुली अस्पतालमा ३ जना कोरोना पोजिटिभ उपचाररत रहेका छन् ।