बाजुराको हिमाली गाउँपालिका स्वास्थ्य शाखा प्रमुख नर्सिङ अधिकृत प्रेमकला मल्लको निधन भएको छ । ५२ वर्षिया मल्लको बुधबार निधन भएको हो ।
कुनै दिर्घ रोग नभएको र अचानक निधन भएकाले हृदयघातका कारण मृत्यु भएको हुनसक्ने अनुमान गरिएको हिमाली गाउँपालिका अध्यक्ष गोविन्दबहादुर मल्लले बताए ।
हिमालीको वडा नम्बर ४ स्थायी घर भएकी मल्ल अग्रज र अनुभवी स्वास्थ्यकर्मी थिइन् ।
उनको निधनले हिमालीको स्वास्थ्य क्षेत्रमा अपुरणीय क्षति भएको निमित्त प्रमुख प्रशासकीय अधिकृत राजबहादुर भण्डारीको भनाइ छ ।
स्वास्थ्य प्रमुख मल्लको निधनप्रति पालिकाले दुःख व्यक्त गरेको छ ।
