अल्ट्रा म्याराथन धावक सुनमाया बुढा लगायत ८ जना धावक खेलाडीलाई पातारासी गाउँपालिका र पातारासी गाउँपालिकाका वडा अध्यक्ष दत्त बहादुर बुढाले सम्मान गर्नु भएको छ ।
खेलाडीको हौसला र मनोविज्ञान बढाउने हेतुले अल्ट्रा म्याराथन धावकमा उपाधि जित्न सफल खेलाडीलाई सम्मान गरेको वडा अध्यक्ष बुढाले अनलाईन सरोकारलाई बताउनु भयो । उहाँले भन्नु भयो खेलको माध्यम बाट देशको पहिचान , गौरव बढ्ने भएकाले खेलाडीलाई हौसला प्रदान गरेका हौँ ।
पातारासी गाउँपालिकाको सभा हलमा एक कार्यक्रमको आयोजना गरी पातारासी गाउँपालिका अध्यक्ष पूर्णसिंह बोहरा उपाध्यक्ष जुनमाया रोकाय र वडा अध्यक्षहरूले खेलाडीलाई खादा माला प्रमाण पत्र र नगद सहित सम्मान गर्नू भएको थियो । सम्मान कार्यक्रममा स्थानीय वासीको पनि उपस्थिति थियो ।
