बालगायक सचिन परियारको निधन भएको छ ।
महाराजगञ्जस्थित टिचिङ अस्पतालमा उपचारको क्रममा उनको बिहिबार बिहान निधन भएको हो । सचिनका बुबा तेजेन्द्र परियारले बिहान १० बजे निधन भएको जानकारी दिए ।
कलिलो उमेरमा मिठो स्वर भएका भाइरल सचिन बालगायकका रुपमा परिचित छन् । उनले थुप्रै गीत गाएका छन्, साथै अभिनेता राजेश हमालसँग एक म्युजिक भिडियो अभिनय गरेका छन् ।
हास्य श्रृखला ‘मेरी बास्सै’मा पनि अभिनय गरेका सचिनले ‘रातो रबर एक’, ‘रुमाल खस्छकी’, ‘के छ र हजुर’, ‘बरको छाँयाले’लगायत चर्चित गीत गाएका छन् ।
