बौद्ध व्यापार संघको अध्यक्षमा केदार कटवाल निर्वाचित भएका छन् । संघको आठौँ वार्षिक साधारण सभाबाट व्यवसायी कट्वाल बौद्ध व्यापार संघको अध्यक्षमा निर्विरोध निर्वाचित भएका हुन् ।
दुई दशक देखि राजधानीको मुख्य व्यापारीक केन्द्रमा पर्ने बौद्धमा व्यवसाय गर्दै आएका सफल व्यवसायी कट्वाल नेतृत्वमा पुगेका हुन् । व्यापारको अलावा व्यवसायीहरुको एकता र हकहितमा काम गर्दै आएका कट्वाल युवा र व्यवसायी बिच लोकप्रिय छन् ।
ओखलढुंगा स्थायी घर भएका उनि बौद्ध क्षेत्रका सामाजिक अभियानका अगुवा पनि हुन् ।
संघको उपाध्यक्षमा पबित्र तिमिल्सिना, मनित साह, सचिवमा लक्ष्मण हुमागाई, सहसचिव वेदप्रसाद अधिकारी, कोषाध्यक्ष दिपक गौतम र राजकुमार खतिवडा, यसा घले, राजकुमार कार्की, सादुराम धिमाल, सुमन खड्का, निरकुमार खत्री, सुजन तिवारी र कुमार चौलागाईसहित १५ सदस्य कार्यसमिति निर्विरोध निर्वाचित भएको हो ।
‘व्यापारी व्यापारी बिचको एकता, राष्ट्र निमार्णमा हाम्रो सहभागिता’ भन्ने मुल नारा तय गरी व्यवसायिक एकता र समाज रुपान्तरणमा सहभागिता जनाउने लक्ष्य राखेर २०६५ सालमा स्थापना भएको संघले संस्थाको उद्देश्य अनुसारका गतिविधि गर्दै आएको छ ।
