काठमाडौं । रौतहटको माधवनारायण नगरपालिकामा एक पुजारीको हत्या भएको छ । माधवनारायण २ खेसरहियामा अज्ञात समुहले गोली हानेर हनुमान मन्दिरका ७० बर्षका पुजारी श्रीराम साहको हत्या गरेको हो ।
बुधबार नियमित पूजा सकेर राति ९ः३० बजे खाना खान बसेका पुजारी साहलाई अज्ञात समुहले कन्चटमा गोली हानेर हत्या गरेको माधपनारायरण नगरपालिकाका मेयर बिरेन्द्र शाहले अनलाइन सरोकार लाई जानकारी दिए ।
बायाँ कन्चटमा गोली लागेका पुजारीको घटनास्थलमै मृत्यु भएको हो । घटना बारे अनुसन्धान भईरहेको रौतहट प्रहरीले जनाएको छ ।
