मुगुको सोरु गाउँपालिका सडक विकासले सुगम बन्दै गएको छ । स्थानीय सरकारले सडक सञ्जाल विस्तारलाई प्राथमिकता दिएसँगै कर्णाली प्रदेशको दुर्गम पालिका सोरुका गाउँबस्तिहरु विगतभन्दा सुगम बन्न थालेका हुन् ।
३ वर्षअघि सम्म सोरु गाउँपालिकाको केन्द्रमा समेत सडकको सहज पहुँच थिएन । अहिले सोरुका ११ मध्ये १० वटा वडामा सडक पुगिसकेको छ । वडा नम्बर ११ मा भर्खरै सडक पु¥याइएको छ, भने वडा नम्बर ५ मा समेत सडक विस्तारको पहल भइरहेको छ । वडा नम्बर ५ को नेर क्षेत्रमा सडकको पहुँच पु¥याउन र कर्णाली करिडोरसँग जोड्न कर्णाली नदिमा बेलिबृज निमार्णको काम भईरहेको सोरु गाउँपालिका अध्यक्ष धर्म बहादुर शाहीले अनलाइन सरोकारलाई बताए ।
सबै ११ वटै वडामा यसैवर्ष भित्र सडक विस्तार गर्ने ५६ वटा बस्ती रहेको सोरुका सबै टोलबस्तिमा यहि कार्यकाल भित्र मोटरबाटो पु¥याइने अध्यक्ष शाहीको भनाई छ ।
नयाँ सडक निर्माण र पुराना सडक स्तरोन्नतीमा सोरुले लगानी गरिरहेको छ ।
गाउँ गाउँमा सडक पुगेसँगै स्थानीयलाई यात्रा गर्न, स्थानीय उत्पादनलाई बजारसम्म पु¥याउन र सडक विकास भएपछि बिरामी परेकाहरुलाइ एम्बुलेन्स मार्फत अस्पताल लैजान सहज भएको छ ।
