ओखलढुङगाको मोलुङ गाउँपालिका कृषि मार्फत किसानलाई आत्मनिर्भर बनाउने कार्यक्रम ल्याएको छ । गाउँपालिकाले निर्वाहमुखी परम्परागत खेतीलाई आधुनिकिकरण गरेर कृषि मार्फत किसानको उन्नती र आत्मनिर्भर नागरिक मार्फत पालिकाको समद्धिको नीति अनुसार काम गरिरहेको हो ।
पालिकाले बेमौसमी तरकारी खेतीको प्रवद्र्धन गर्ने, टनेल र बीउ बिजन जस्ता आवश्यक सहयोग प्रदान गर्ने गरेको गाउँपालिका अध्यक्ष उत्तम राईले अनलाइन सरोकारलाई बताए । परम्परागत खेतीलाई संरक्षण गर्दै आधुनिक कृषि पद्धतिलाई जोड दिएकाले कृषकलाई बेमौसमी तरकारी तथा फलफुल खेतीमा प्रेरित गरेर आत्मनिर्भर बनाउने र कृषि मार्फत रोजगारी सिर्जना गरिने अध्यक्ष राईको भनाई छ ।
मोलुङ गाउँपालिकाका अधिकांश किसान कृषि पेशामा आवद्ध छन् । पालिकाको आर्थिक तथा प्राविधिक सहयोग पाएपनि किसानहरु व्यवसायिक खेतीमा लागेका छन् ।
