गीतकार हरिभक्त बुढाथोकीको शब्द तथा टेक बिसी र सिम्रोन परियारको स्वरमा रहेको ‘दुरि मलाई हुनु छैन’ बोलको गीत सार्वजनिक भएको छ । सर्जक बुढाथोकीले आफ्फ्ै युटुव च्यानलबाट नयाँ म्युजिक भिडियो सार्वजनिक गरेका हुन् ।
गीतको भिडियोमा बिना रावत, अनिता मेहेन्ता र भुगोल कुमार कार्कीको अभिनय रहेको छ । भिम बिसीले संगित दिएको गीतको भिडियो निर्देशन तथा कोरियोग्राफी बिशाल कैनीले गरेका छन् ।
नेपाली साहित्य र समाजसेवामा कहलिएका गीतकार हरिभक्त बुढाथोकीले एक दर्जन भन्दा बढि पुस्तक लेखेका छन् । ४ विविध विधामा सोध्यपत्र समेत लेखेका र नेपालीमा ड्राइभिङ्ग सम्बन्धी पुस्तकका पहिलो लेखक रहेका उनले “सवारी ज्ञान” “ड्राइभिङ्ग शिक्षा” तथा अंग्रेजीमा मोटर ड्र«ाइभिङ लगायत पुस्तक लेखेका छन् । ड्राइभिङ्ग सम्बन्धी पत्रीकाका पहिलो सम्पादक र प्रकाशक तेरथुम जिल्लाका पहिलो नाटककार, उपन्यासकार, गीतकार, कथाकार (साहित्यकार) मा समेत हरिभक्त बुढाथोकी निकै अब्बल मानिन्छन् ।
बुढाथोकीले थुप्रै चर्चित गीतहरु रचना गरेका छन् । नजर लाग्ला नि, मुटुमै गाँसेको माया र तिम्रै दर्शन उनको हिट गीतहरुमा पर्छन् ।
