ओखलढुंगा । ओखलढुंगाका २ जना प्रहरीमा कोरोना संक्रमण पुष्टि भएको छ । जिल्लाका ६० जनाको स्वाब परीक्षण गरिएकोमा २ जना प्रहरीमा कोरोना देखिएको स्वास्थ्य कार्यालय रुम्जाटारका प्रमुख सुमन तिवारीले जानकारी दिए । उनका अनुसार संक्रमण पुष्टि भएका प्रहरीहरु खोटाङ र उदयपुरबाट आएका थिए ।
पछिल्लोपटक जिल्लाबाट सुरक्षाकर्मी, कर्मचारी, विभिन्न देशबाट आएर होल्डिङ सेन्टरमा रहेकाहरुको स्वाब परीक्षण गरिएको थियो ।
मानेभञ्ज्याङमा रहेको उनीहरुलाई रुम्जाटार लैजाने तयारी भईरहेको छ ।
