सिद्धिचरण नगरपालिकाको मेयर कपको उपाधि मानेभञ्ज्याङ स्पोर्टस् क्लबले जितेको छ । शनिवार सम्पन्न फाइनल खेलमा अधेरी नारायणस्थान फुटबल क्लबलाई १–० गोल अन्तरले पराजित गर्दै मानेभञ्ज्याङ स्पोर्टस् क्लबले उपाधि उचालेको हो ।
मेयरकप विजेता टिमले नगद २ लाख २२ हजार २ सय २२ रुपैंया र उपविजेता टिमले १ लाख ११ हजार १ सय ११ रुपैंया सहित ट्रफी, मेडल र प्रमाणपत्र पाएका छन् ।
१० टिमको सहभागिता रहेको प्रतियोगितामा नेपाली सेनाको दुर्गा बक्स गण ओखलढुंगा र मानेभञ्ज्याङ गाउँपालिका सेमिफाइनलिस्ट बनेका छन् ।
प्रतियोगिताको सेमिफाईनलमा पुग्ने २ टिमले ४४ हजार ४ सय ४४ रुपैंया प्राप्त गरेका छन् ।
उत्कृष्ट क्रमशः खेलाडी, गोलकिपर, मिडफिल्डर, डिफेन्डर र गोल स्कोररले जनही ५ हजार पाएका छन् ।
खेलाडीलाई सिद्धिचरणका नगरप्रमुख तेजन खनाल, प्रदेश सांसद प्रदिप सुनुपार र मानेभञ्ज्याङ गाउँपालिका अध्यक्ष ज्ञानेन्द्र रुम्दालीलगायतले बधाई ज्ञापनसहित पुरस्कार हस्तान्तरण गरेका थिए ।
