चावहिलस्थित प्रतिष्ठित शैक्षिक संस्था स्टेयरवे एजुकेशनल सर्भिसेसले हालै प्लस टु सकेका र अन्य विद्यार्थीहरूलाई लक्षित गरेर निबन्ध प्रतियोगिताको आयोजना गरेको छ । असार ६ गते देखि सुरु हुने यो प्रतियोगिता असार ३२ गते सम्म सञ्चालन हुनेछ ।
विद्यार्थीहरूलाई थप सिर्जनशील बनाउने उद्देश्यले निबन्ध प्रतियोगिता आयोजना गरिएको संस्थाका प्रबन्ध निर्देशक राजी थापाले बताए । “हामीले सम्पूर्ण नेपालभरिका विद्यार्थीहरूलाई समेट्ने प्रयास गरेका छौं,“ थापाले भने ।
प्रतियोगितामा सहभागी विद्यार्थीहरूले १० वटा फरक विषयहरूमा निबन्ध लेख्न सक्नेछन् ।
प्रतियोगितामा सहभागिता जनाउन चाहने विद्यार्थीहरूले आवश्यक सबै जानकारी स्टेयरवे एजुकेशनल सर्भिसेसको आधिकारिक फेसबुक पेजबाट पाउन सक्नेछन् ।
प्रतियोगितामा सहभागी भएर उत्कृष्ट हुने विद्यार्थीलाई रु. १०,००० नगद पुरस्कार प्रदान गरिनेछ ।
