सिन्धुलीको तीनपाटन गाउँपलिकाले कृषि क्षेत्रलाई प्राथमिकतामा राखेर ८५ करोड ३३ लाख ११ हजार १ सय ६१ को बजेट ल्याएको छ । आज असार १० गतेसम्पन्न गाउँसभाको १६ औं अधिवेशन मार्फत तीनपाटनले आगामी आर्थिक वर्षमा कृषि क्षेत्रको विकासलाई पहिलो प्राथमिकतामा राखेर बजेट ल्याएको हो ।
सभामा विगतका वर्षका नीति तथा कार्यक्रमहरूको समीक्षा गरेर अघिल्लो वर्षका अपुरा कामलाई पूर्णता दिँदै दिर्घकालिन महत्व राख्ने र किसानको मुहारमा खुसी ल्याउने कृषि क्षेत्रको विकासमा जोड दिइएको गाउँपलिका अध्यक्ष कर्णबहादुर मगरले अनालाईन सरोकारलाई बताए । विगतमा पुरा नभएका जनताका माग र आवश्यकता आगामी वर्ष पुरा गर्नेगर िबजेट ल्याइएको उनको भनाई छ । कृषि, पशुपालन, शिक्षा, स्वास्थ्य र पूर्वधार क्षेत्रलाई परिमार्जन सहित सञ्चालन गर्ने कार्यक्रम ल्याइएको छ ।
तीनपाटन गाउँपालिकालाई बालमैत्री र पोषण मैत्री पालिका घोषणा समेत नीति ल्याइएको छ ।
