मरिण गाउँपालिकाको आयोजनामा गरिबी निवारणका लागि सञ्चालित लघु उद्यम विकास कार्यक्रमअन्तर्गत पुराना तथा निरन्तर व्यवसाय सञ्चालन गर्दै आएका उद्यमी र व्यवसायीहरूलाई उपयुक्त प्रविधि हस्तान्तरण गरिएको छ ।
कार्यक्रम वडा नं १, ३, ४, ६ र ७ का उद्यमीहरूलाई लक्षित गर्दै सञ्चालन गरिएको हो ।
३० प्रतिशत लागत साझेदारीमा प्रदान गरिएको प्रविधिहरूमा हाते ट्र्याक्टर, कम्बाइन राइस मिल, मकै छोड्ने मेसिन, प्लास्टिक टनेल आदि समावेश छन्।
प्रविधि हस्तान्तरण कार्यक्रममा मरिण गाउँपालिकाका अध्यक्ष विमर्श मुक्तान , प्रमुख प्रशासकीय अधिकृत विकास सुन्दास र अन्य पालिका कर्मचारीहरूको उपस्थितिमा प्रविधि हस्तान्तरण गरिएको थियो ।
