प्रतिनिधिसभाअन्तर्गतको शिक्षा, स्वास्थ्य तथा सूचना प्रविधि समितिको बैठक सुरु भएको छ । बैठकमा मिडिया काउन्सिल विधेयकमाथि सैद्धान्तिक छलफल भइरहेको छ ।
सरकारका तर्फबाट बैठकमा सञ्चारमन्त्री पृथ्वीसुब्बा गुरुङ सहभागी छन् । अहिले विधेयकमाथि सांसदहरूले धारणा राखिरहेका छन् । सांसदलाई बोल्न पाँच मिनेटको समय दिइएको छ । उनीहरूलाई समितिका सभापति अम्मरबहादुर थापाले विधेयकको विषयमा मात्र बोल्न भनेका छन् ।
यसअघि, असार २२ गते समितिको बैठक बसेको थियो । त्यस बैठकमा विद्यालय शिक्षा विधेयक उपसमितिको प्रतिवेदनमाथि छलफल भएको थियो ।
