सिन्धुली । ६ वर्षीया बालिकालाई बलात्कार गरेको आरोपमा सिन्धुलीमा प्रहरीले दुई जनालाई पक्राउ गरेको छ । जिल्लाको दुधौली नगरपालिका वडा नम्बर-१३ कुडुलेकी ६ वर्षीया बालिका बलात्कार गरेको आरोपमा सोही ठाउँका १६ वर्षीय तिलक रानामगर र उनकै भाइ कपिल रानामगरलाई प्रहरीले पक्राउ गरेको हो ।
इलाका प्रहरी कार्यालय डकाहाका प्रमुख सुगन्ध श्रेष्ठका अनुसार घरमा कोही नभएको मौका छोपी आइतबार दिउँसो १ बजे दाजुभाइ तिलक र कपिलले बालिकालाई गोठमा लगेर बलात्कार गरेको स्वीकार गरेका छन् ।
उनीहरुलाई सोमवार पक्राउ गरी थप अनुसन्धानको लागि जिल्ला प्रहरी कार्यालय सिन्धुली पठाएको छ । बालिकाको स्वास्थ्य चेकजाँच गर्न जिल्ला अस्पताल सिन्धुली लगिएको प्रमुख श्रेष्ठले बताए ।
