छुट्टाछुट्टै स्थानमा पाँच जनाको शव फेला परेको छ। प्रहरीका अनुसार तीन पुरुष र दुई महिला गरी पाँच जनाको शव फेला परेको हो।
बागलुङको जैमिनी नगरपालिका-७ चौरीखोलास्थित कालीगण्डकी करीडोर सडक छेउमा सोही नगरपालिका-८ वाङलिङ बस्ने ४५ वर्षीय दिल बहादुर नेपाली सोमबार मृत अवस्थामा फेला परेका छन्।
बाँकेको डुडुवा गाउँपालिका-४ सिधनिया घाटस्थित राप्ती नदीको छेउमा पहिचान नखुलेकी अन्दाजी ६५ वर्षीया महिला सोमबार मृत अवस्थामा फेला परेकी छन्।
इलामको सूर्योदय नगरपालिका-७ बस्ने ४० वर्षीय बेल कुमार घले सोही ठाउँस्थित खोल्सामा सोमबार मृत अवस्थामा फेला परेका छन्।
कैलालीको जानकी गाँउपालिका-२ बस्ने ७२ वर्षीय मन्जु शाह आफ्नै घर नजिकै सोमबार मृत अवस्थामा फेला परेका छन्।
स्याङ्जाको पुतलीबजार नगरपालिका-७ तोराधी बस्ने ४६ वर्षीय नेत्र बहादुर गोदार सोही ठाउँस्थित गोरेटो बाटोमा सोमबार मृत अवस्थामा फेला परेका छन्। यस सम्बन्धमा प्रहरीले आवश्यक अनुसन्धान गरिरहेको प्रहरीले जनाएको छ।
