सुनकोशी गाउँपालिका वडा नम्बर १० ले नागरिकलाई लक्षित गरी दुई दिने शिविर सञ्चालन गरेको छ । शिविर साउन ५ र ६ गतेसम्म काठमाडौंको चाबहिलस्थित भिएस कलेजमा भइरहेको छ ।
शिविरमा सामाजिक सुरक्षा भत्ता वितरण तथा नविकरण, परिचयपत्र दर्ता, मालपोत कर तिर्ने सुविधा, वडाबाट आवश्यक सिफारिससहितका सेवाहरू प्रदान गरिएको वडा अध्यक्ष छवि रमण धमलाले अनालाईन सरोकारलाई बताउनु भयो ।
अध्यक्ष धमलाले गाउँपालिका बाहिर रहेका तथा अस्थायी रूपमा काठमाडौं बसोबास गर्दै आएका नागरिकलाई सहज रुपमा वडास्तरीय सेवा उपलब्ध गराउन शिविर आयोजना गरिएको बताउनु भयो ।
शिविरमार्फत सेवाबाट लाभान्वित भएका नागरिकहरूले शुनकोशी गाउँपालिका वडा नम्बर १० र अध्यक्ष धमलाको पहलप्रति धन्यवाद व्यक्त गर्दै यस्ता कार्यक्रमलाई निरन्तरता आग्रह गरेका छन् ।
