काठमाडौंमा अब फोनमा ठूलो स्वरमा कुरा गरेमा, बिहानै प्रेशर कुकरको सि·ठी बजाएमा, शौचालयमा फ्लश गर्दा ठूलो आवाज निकालेमा ३ लाख रुपैयाँसम्म जरिवाना हुन सक्नेछ । काठमाडौं उपत्यका प्रहरी कार्यालय रानीपोखरीले एक अपिलमार्फत यस्तो जानकारी दिएको हो ।
प्रहरीले ध्वनी, धुवाँ र फोहर प्रदूषण मुक्त छिमेकी अभियान अन्तर्गत महानगरबासीहरुसँग यस्तो अपिल गरेको हो । प्रहरीले राती अबेर ध्वनी प्रदूषण कम गर्न, बिहानको शान्ति कायम गर्न, शौचालय र अन्य घरेलु क्रियाकलापमा सचेत बन्न, सामाजिक र भार्मिक क्रियाकलापमा सचेत बन्न यस्तो अपिल गरेको हो ।
ध्वनी प्रदूषण गर्ने व्यक्ति वा संस्थालाई सम्बन्धित निकायले त्यस्तो कार्य गर्न बन्देज लगाइ ३ लाख रुपैयाँसम्म जरिवाना गर्न सक्ने प्रहरीको सूचनामा उल्लेख छ ।
