काठमाडौं । स्वास्थ्य तथा जनसंख्या मन्त्रालयले कोभिड–१९को फोकल पर्सनमा डा. महेन्द्र श्रेष्ठलाई तोकेको छ । स्वास्थ्य तथा जनसंख्या मन्त्री भानुभक्त ढकालले स्वास्थ्य मन्त्रालयको कोभिड–१९ को फोकल पर्सनको जिम्मेवारी प्रमुख विशेषज्ञ श्रेष्ठलाई दिएका हुन् ।
महानिर्देशकको जिम्मेवारीबाट सिसिएमसीको जिम्मेवारीमा लगिएको अढाई महिनापछि उनलाई कोभिड–१९ सँगै मन्त्रालयको नीति योजना र गुणस्तर महाशाखाको जिम्मेवारी दिइएको हो । सिसिएमसीको जिम्मेवारी पनि यथावत् राखिएको छ ।
स्वास्थ्यमन्त्री ढकालले बिहीबारको मन्त्रिस्तरीय निर्णयमा सो जिम्मेवारी दिएको प्रमुख विशेषज्ञ श्रेष्ठले जानकारी दिए ।
यसअघि, कोभिड–१९ को फोकल पर्सनको जिम्मेवारी स्वास्थ्य सचिवलाई दिइएको थियो ।
