काठमाडौं । चर्चित टेलिभिजन सिङ्गिङ रियालिटी सो ‘नेपाल आइडल–३’ को उपाधि सज्जा चौलागाईंले जितेकी छन् । शुक्रबार राति सम्पन्न ग्राण्ड फिनालेमा दुई प्रतिस्पर्धीलाई पछि पार्दै मोरङकी सज्जाले उपाधि जितेको हुन् ।
नेपाल आइडल–३ को उपाधि जितेसँगै उनले रु ५० लाख नगद प्राप्त गरेकी छन् ।
आइडलको फस्र्ट रनरअप प्रविन बेडुवाल भएका छन् । उनले रु १० लाख प्राप्त गरेका छन् । त्यसैगरी सेकेण्ड रनरअप किरन कुमार भुजेल भएका छन् । उनले रु ५ लाख प्राप्त गरेका छन् ।
दर्शकले विश्वभरबाट दिएको भोट र निर्णायकको मूल्यांकनका आधारमा अन्नपूर्ण मिडिया नेटवर्कका अध्यक्ष क्याप्टेन रामेश्वर थापाले नेपाल आइडलको विजेता घोषणा गरेका हुन् ।
पहिलो नेपाल आइडलको विजेता पोखराका बुद्ध लामा भएका थिए भने दोस्रो नेपाल आइडल रवि ओड भएका थिए।
