जेनजी आन्दोलनपछि उत्पन्न आगजनी र तोडफोडका घटनाले कार्यालय सञ्चालनमा कठिनाइ खेपिरहेको अवस्थामा सिन्धुलीको मरिण गाउँपालिकाले जिल्ला प्रशासन कार्यालयलाई र जिल्ला अदालत सिन्धुलीलाई विभिन्न सामाग्रीसहयोग गरेको छ ।
गाउँपालिकाको तर्फबाट जिल्ला प्रशासन कार्यालयलाई र जिल्ला अदालत सिन्धुलीलाई १ थान कम्प्युटर, १ थान ल्यापटप र १ थान कलर प्रिन्टर औपचारिक रूपमा हस्तान्तरण गरिएको गाउँपालिका अध्यक्ष विमर्श मोक्तानले अनलाइन सरोकारलाई बताउनु भयो ।
गत आइताबार गाउँपालिकाका अध्यक्ष विमर्श मुक्तान र प्रमुख प्रशासकीय अधिकृत विकास सुन्दास लगायतको विशेष उपस्थितिमा उपकरणहरू प्रदान गरिएको थियो।
मरिण गाउँपालिकाले यस कार्यमार्फत सहयोग, समन्वय र सहकार्यको भावनालाई बलियो बनाउने प्रतिबद्धता व्यक्त गरेको छ।
गाउँपालिकाले विपद् र कठिनाइका समयमा परस्पर सहयोगमार्फत प्रशासनिक सेवाको निरन्तरता सुनिश्चित गर्न सधैं अग्रसर रहने जनाएको छ।
