सोफा हबकाठमाडौंले आफ्ना भाग्यशाली १० जना ग्राहकलाई थाइल्यान्ड भ्रमण गराउने भएको छ । कम्पनीले आफ्नो ‘दशैं–तिहार अफर’ अन्तर्गत भाग्यशाली १० जनालाई निःशुल्क थाइल्यान्ड भ्रमणमा लैजाने भएको हो ।
गत मंगलबार भक्तपुरमा एक कार्यक्रम आयोजना गर्दै कम्पनीले भाग्यशाली विजेताहरुको नाम सार्वजनिक गरेको हो । नाम ‘लक्की ड्र’ मार्फत छनोट गरिएको थियो ।
सोफा हबको दशैं–तिहार अफरअन्तर्गत विजेता बनेकामा लक्ष्मी नेपाली, अर्जुन जोशी, विनोद लोध, प्रतीक्षा विक, कुसुमकला गणेश, विनोद गुरु, जमुना केसी, गोमा लामिछाने, तम बहादुर सुनार र माधवप्रसाद दुलाल रहेका छन् ।
‘लक्की ड्र’ मार्फत विजेता घोषणा भएका १० जनालाई छिट्टै थाइल्यान्ड भ्रमणमा लैजाने कम्पनीले जनाएको छ । यसअघि पनि सोफा हबले आफ्ना ग्राहकलाई यस्ता आकर्षक अफरहरू प्रदान गर्दै आएको छ ।
सोफा हब काठमाडौंले आयोजना गरेको चिठ्ठा कार्यक्रममा आफ्नो नाम परेपछि चिठ्ठा विजेताहरूले खुसी व्यक्त गरेका छन् । उनीहरूले नसोचेको भयो अब थाइल्यान्ड जान पाइयो भन्दै हर्ष व्यक्त गरेका छन् ।
कम्पनीका अनुसार दशैं–तिहार र छठको अवसरमा सोफा हबबाट फर्निचर खरिद गर्ने ग्राहक मध्येबाट विजेताहरू छनोट गरिएको हो । कम्पनीले आगामी दिनमा पनि यस्ता ग्राहकमुखी योजना ल्याउने तयारी गरिरहेको छ ।
