नेकपा एमालेको ११औँ राष्ट्रिय महाधिवेशनबाट मधेश प्रदेश इन्चार्ज लिलानाथ श्रेष्ठ केन्द्रीय सदस्य (खुला) पदमा १५६४ मतसहित निर्वाचित हुनुभएको छ। केपी ओली समूहबाट उम्मेदवारी दिनु भएका श्रेष्ठ संगठन, संघर्ष, संसद र सरकारमा लामो अनुभव बोकेका नेता हुनुहुन्छ।
विद्यार्थी आन्दोलनबाट राजनीति सुरु गरेका सिराहा गोलबजार–७ निवासी श्रेष्ठ यसअघि केन्द्रीय कमिटी, पोलिटब्युरो र स्थायी कमिटी सदस्यको जिम्मेवारी सम्हाल्दै आउनुभएको छ। पार्टी एकता र संगठन सुदृढीकरणलाई प्राथमिकता दिने नेताका रूपमा उहाँ चिनिनुहुन्छ।
