चितवन । भरतपुर अस्पतालमा थप एकजनाको मृत्यु भएको छ । भरतपुर महानगरपालिका ६ का ७८ वर्षीय एक पुरुषको आज बिहान ७ बजेर २० मिनेटमा मृत्यु भएको हाे ।
अस्पतालका कोभिड १९ क्लिनिकल संयोजक प्रमोद पौडेलका अनुसार उनी भदौ ६ गते उपचारका लागि भरतपुर अस्पताल आएका थिए । तर उनको भदौ २ गते नै कोरोना पुष्टि भएको थियो । ती पुरुष उच्च रक्तचापलगायत अन्य रोगबाट समेत ग्रसित भएको पौडेलले जानकारी दिए ।
उनको कोभिड सघन कक्ष (आईसीयू) मा भेन्टिलेटरको सहायतामा उपचार भइरहेको थियो । यससँगै कोरोना संक्रमणबाट मृत्यु हुने चितवनका मात्रै ६ जना पुगेका छन् ।
